Башҡортостан юлдаш телевидениеһында эфирға сыҡҡан проект һәр кемгә яҡшы таныш. 2010 йылда старт алыусы программа телевизор ҡараусыларҙың йөрәген яулауҙан тыш, Рәсәй телеакадемияһы тарафынан да юғары баһалана. Кешене йыр йәшәтә. Башҡортостан юлдаш телевидениеһында 10 декабрҙә старт алған «Планеталар парады» һуңғы турын уҙғара. Конкурста ҡатнашыусылар башҡорт, рус, инглиз телдәрендә күңелле йырҙар башҡарҙы. Өс турҙан торған шоу 60-сы йылдар хитын, йәшелсә, емеш-еләк тураһындағы йырҙарҙы үҙ эсенә алды. Башҡортостан юлдаш телевидениеһында икенсе йыл рәттән ойошторолған «Планеталар парады» конкурсы популяр тамашаға әйләнде. Проекттың өсөнсө - һуңғы турын иртәгә ҡарарға мөмкин. Ойоштороусылар әйтеүенсә, ул алдағы ике турға ҡарағанда ла байыраҡ йөкмәткеле булмаҡсы. Телевизор ҡараусылар яратып өлгөргән алып барыусылар был юлы цирк артистары ролендә сығыш яһай. Ә инде утыҙ беренсе декабрҙә тамашасылар «Планеталар парадының» финалын ҡарай аласаҡ.
 Лариса Сафуанова
«БСТ» сайтынан