6 июнь, бөйөк рус яҙыусыһы А.С. Пушкиндың тыуған көнөндә, Башҡорт дәүләт опера һәм балет театрының артистары, билдәле шағирҙар, «КСП Сентябрь» клубы ағзалары «Поэтик трамвай» проектында ҡатнашалар. Сара Әҙәбиәт йылына ла арнала.

Был ҡала транспорты менән йөрөүселәр төрлө шиғырҙар, моңло йырҙар тыңлап кинәнәсәк. Ижади трамвай сәғәт 11.00 - 13.00 сәғәткә тиклем Пушкир ур. – Тимер юл вокзалы – Дәүләт циркы маршруты буйынса йөрөйәсәк.