Быйыл Президент шыршыһы 21 декабрҙә «Нефтсе» мәҙәниәт һарайында үтә. Был сарала уҡыуҙа яҡшы билдәләренә өлгәшкән һәм олимпиадаларҙа, спорт ярыштарында еңеү яулаған, ижади конкурстарҙа, фестивалдәрҙә лауреат исеменә лайыҡ булған балалар, шулай уҡ күп балалы аҙ тәьмин ителгән ғаиләләрҙә, хәрби хеҙмәткәрҙәр һәм республика эске эштәр органдарының хеҙмәт бурысын үтәгәндә һәләк булған хеҙмәткәрҙәрҙең ғаиәләләрендә тәрбиәләнгән, һаулыҡ мөмкинлектәре сикләнгән балалар ҡатнаша. Башҡортостандың төп Яңы йыл байрамына бөтәһе 800-гә яҡын бала киләсәк. Бынан тыш, республиканан 115 бала Кремль һарайына саҡырыу алған. 26 декабрҙә унда дөйөм Рәсәй Яңы йыл шыршыһы уҙа.