Бөгөн Өфөлә, «Нефтсе» мәҙәниәт һарайында Президент шыршыһы үтте. Байрамға район- ҡалаларҙан уҡыу алдынғылары, уҡыусылар араһындағы төрлө олимпиадалар, спорт ярыштары еңеүселәре, бурысын үтәгәндә һәләк булған хәрбиҙәр һәм хоҡуҡ һаҡлау органдары хеҙмәткәрҙәренең балалары, 800-гә яҡын уҡыусы ҡатнашты. Байрамға килгән барлыҡ уҡыусыларға президент бүләктәре тапшырылды. Улар өсөн тамашалар, һый- хөрмәт әҙерләнгән.
Дөйөм алғанда, бөгөнгө Президент шыршыһы менән республикала Яңы йыл тамашалары ла старт ала. Башҡортостан мәҙәниәт һәм сәнғәт усаҡтары Яңы йыл байрамына төрлө саралар әҙерләне. Өфө театрҙары, мәҫәлән, балалар һәм өлкәндәр өсөн әкиәттәр һәм тамашалар тәҡдим итә. Мәжит Ғафури исемендәге Башҡорт академия драма театры ла быйыл премьералар әҙерләгән.
«Башҡортостандың мәҙәни донъяһы» порталы