Рәхмәт тойғоһо
4 майҙа Башҡортостан Республикаһының Хәрби Дан музейында Бөйөк Ватан һуғышы ветерандарын тәбрикләү тантанаһы үтте. Утыҙ алты ветеранға Маҡтау ҡағыҙҙары тапшырылды.
Ябай халыҡҡа музей экспонаттары ғына булған һуғыш ҡоралдарын ҡарау оло кешелә әллә күпме хәтирәләр уята.
Тантанаға утыҙ алты Бөйөк Ватан һуғышы ветераны саҡырылғайны. Уларҙың һәр береһе дәһшәтле яу юлы үткән. Ветерандарға рәхмәт һүҙҙәре еткереп, ҡала Советы депутаттары уларға Маҡтау ҡағыҙҙары тапшырҙы, торт һәм сәскә гөлләмәләре бүләк итте.
Сара һуңында ололар алдында балалар йыр-бейеү коллективтары сығыш яһаны. Ветерандар Бөйөк Еңеү һәм лайыҡлы хеҙмәт емеше булған балаларҙың шатлыҡлы йырҙарына тамаша ҡылды.
Сығанаҡ: Башҡортостан юлдаш телевидениеһы