Билдәле башҡорт рәссамы Рәшит Хәбировтың Ә.-З.Вәлиди исемендәге милли китапханала «Сағылыш теҙмәһе» («Вереница отражений») тип аталған шәхси күргәҙмәһе эшләйәсәк.
Рәшит Хәбиров Суриков исемендәге Мәскәү дәүләт сәнғәт институтын тамамлай. Ул реалистик жанрҙа ижад итә, натюрморт, портрет, тәбиғәт күренештәрен һынландырыу оҫтаһы. Уның һоҡланғыс ижадын Париж тамашасыһы ла күреү бәхетенә ирешкән. Һынлы сәнғәт ижады өлкәһенә индергән тос өлөшө өсөн РФ рәссамдар союзы дипломы менән бүләкләнә.
25 мартҡа тиклем буласаҡ күргәҙмә рәссамдың юбилейына арнала.
Күргәҙмәне асыу 2013 йылдың 21 февралендә 16.00 сәғәттә.
Тамаша урыны: Ә.-З.Вәлиди исемендәге милли китапхана. Сығанаҡ: Башинформ мәғлүмәт агентлығы