Билдәле рәссам Вәсил Ханнановтың изге Рамаҙан айына арналған яңы күргәҙмәһе «Фәзҡырҡуни әзҡырҡум. Иҫләгеҙ мине - мин дә һеҙҙе иҫкә алырмын» тип атала. Экспозиция Наил Латфуллин исемендәге Хәҙерге заман сәнғәте музейында асылған.

Күргәҙмәгә рәссамдың «Өләсәй ҡоръәне», «Доғалар», «Апалы-һеңлеле Күмсимовалар», шәлкемдәренән 50-нән ашыу әҫәре ҡуйылған. Һүрәттәрендә рәссам ата-бабаларына, үткәндәргә мөрәжәғәт итә. Ҡасандыр сумаҙан төбөндә йәшерелеп, ваҡыт саңынан туҙмаған оләсәй ҡоръәне аша мәңгелек ҡиммәттәр хаҡында уйлана. Рәссамдың «Апалы-һеңлеле Күсимовалар» шәлкеме лә күргәҙмәнең йөкмәткеһенә ауаздаш. Шәл-яулыҡтар эсенә уйылып һынландырылған ҡатын-ҡыҙ образдары быуындар күсә килешлеген тағы ла нығыта төҫлө.

Күргәҙмә 16 сентябргә тилем эшләй.