БР мәҙәниәт өлкәһе ижадсылары өсөн булдырылған республика Башлығының мәҙәниәт һәм сәнғәт өлкәһендәге миллион һумлыҡ гранттарына дәғүә итеүселәрҙән ғаризалар ҡабул итеү тамамланыуға табан бара. Грант өсөн 2016 йылда дәүләт иҫәбенән дөйөм 90 миллион һум аҡса бүленә. Иҫләүегеҙсә, был грантҡа театр, музыка, бейеү, һынлы сәнғәт һәм кинематография өлкәләре ижадсылары, айырым эшмәкәрҙәр һәм төркөмдәр ғариза бирә ала. 2013 йылда барлыҡҡа килгәндән алып, БР Башлығының мәҙәниәт һәм сәнғәт өлкәһендәге миллион һумлыҡ гранттарына 50-гә яҡын проект лайыҡ булған. Быйыл ғаризалар һәм конкурс материалдарын ҡабул итеү 1 октябрҙә туҡтала.