Ошо турала ҡарар Өфө ҡала советы ултырышында ҡабул ителде. Билдәле дәүләт эшмәкәренең тыуыуына быйыл йөҙ йыл тула. Был уңайҙан республика хөкүмәтендә юбилей саралары планы ла әҙерләнде. Уларға ярашлы, Зыя Нуриев исемен уның тыуған төйәге Бөрө районы мәктәптәренең береһе аласаҡ, тантаналы сара, концерт ойоштороу планлаштырыла. 

Зыя Нуриев 1915 йылдың 21 мартында Бөрө районы Үрге Ласынтау ауылында тыуған. 1942 йылдан алып дәүләт идараһы өлкәһендә эшләй. 57-се йылдан 12 йыл дауамында КПСС-тың Башҡортостан өлкә комитеты беренсе секретары була. Артабан Советтар Союзында төрлө министрлыҡ-ведомстволарҙы етәкләй, СССР-ҙың Министрҙар Советы рәйесе урынбаҫары булып эшләй. Зыя Нуриев - Социалистик Хеҙмәт Геройы. 4 Ленин ордены, Хеҙмәт Ҡыҙыл байраҡ , "Почет билдәһе", Салауат Юлаев ордендары, күп миҙалдар менән бүләкләнә.