Башҡортостан йәмәғәтселеге халыҡ шағиры Мостай Кәримдең тыуған көнөн билдәләне. Ошоға бәйле республикала төрлө саралар ойошторолдо. Әҙиптең тыуған төйәге Шишмә районының Келәш ауылында ла хәтер кисәһе үтте. Бында уның яҡындары, ауылдаштары һәм шағирҙың ижадын һөйөүселәр йыйылды.

Әҙиптең тыуған мәктәбендә Мостай Кәримдең "Оҙон-оҙаҡ бала саҡ" пьесаһынан өҙөк тәҡдим ителде. Байрамға шағирҙың ейәне Тимербулат Кәримов та килгән ине. Йәш быуындың олатаһының ижады менән ҡыҙыҡһынып үҫеүенә ул сикһеҙ шат.

Мостай Кәрим ижады халҡыбыҙҙың рухи хазинаһы. Келәш ауылында йәшәүселәр мәшһүр яҡташтары менән хаҡлы рәүештә ғорурлана. Уның исемен киләһе быуындарға еткереүҙе иң изге бурыстарҙың береһе тип һанай.