“Башҡортостан халыҡтары ассамблеяһы”нан белдереүҙәренсә, йыйын барышында яңы устав ҡабул ителәсәк. Документҡа ярашлы, советҡа өс рәйестәш һайлана. Улар республикалағы төп өс милләт вәкиле була. Съезда шулай уҡ халыҡтар ассамблеяһы советы яңыртыласаҡ. Ә төрлө милләт вәкилдәре үҙҙәренең мәҙәниәте, тарихы һәм йолалары менән таныштырған күргәҙмә ойошторасаҡ, ҙур концерт программаһы әҙерләй. Башҡортостанда йәшәүсе төрлө милләт вәкилдәренең 30-ҙан ашыу милли-мәҙәни ойошмаһы теркәлгән.