Өфөлә М. Аҡмулла исемендәге Башҡорт дәүләт педагогоия университетында 29-30 cентябрҙә II Халыҡ-ара телдәр фестивале үтәсәк. Сара Башҡортостан Республикаһының ЮНЕСКО эштәре буйынса комитеты ҡарамағында уҙа.

Башҡортостанда бындай мәҙәни-ағартыу сара икенсе тапҡыр үткәреләсәк. Былтыр 

Башҡорт дәүләт университеты нигеҙендә күренекле башҡорт телсеһе, билдәле яҙыусы Жәлил Кейекбаевтың тыуыуына 100 йыл тулыуға арналған I Халыҡ-ара телдәр фестивале үткәйне. 

Телдәр фестивале идеяһын 1995 йылда үҙе бындай сара үткәргән эсперанто телендә һөйләшеүсе Америка гражданы Дэнис Киф тәҡдим иткән. Шул ваҡыттан алып телдәр фестивале Мәскәүҙә, Санкт-Петербургта, Чебоксарҙа, Волгоградта, Новокузнецкиҙа, Ульяновскиҙа һәм Рәсәй Федерацияһының, БДБ-ның һәм алыҫ сит илдәрҙең башҡа ҡалаларында даими үткәрелә.

Республиканың ЮНЕСКО эштәре буйынса комитетының матбуғат хеҙмәте хәбәр итеүенсә, 80-дән ашыу сығыш яһаусы Башҡортостан, Рәсәй Федерацияһы һәм сит ил халыҡтарының 46 теленә презентация үткәргән.