Балалар һәм үҫмерҙәр ижадының республика кимәлендәге «Йәйғор» конкурсы дүртенсе тапҡыр уҙғарыла. Тәүге йыл балалар фестивале булараҡ, хәҙер үҙәк телевидениела барған «Минута славы» («Дан минуты») конкурсы принциптары буйынса үтә, йәғни һәр ҡатнашыусы жюри ағзаларын һәм тамашасыларҙы үҙенә ғашиҡ итеү мөмкинлеген ала. Йыр, бейеү, фокус, оригиналь номерҙар һәм башҡарыу оҫталығы менән тамашасыларҙы әсир итеү – конкурстың төп маҡсаты. 18 йәшкә тиклемге һәр кем ҡатнаша һәм үҙенең ижади мөмкинлектәрен күрһәтә ала.
2013 йылдың 9 февралендә конкурстың I этабы старт алды. Һайлап алыу туры Архангель районының Архангель һәм Белорет районының Сермән ауылдарында үтте, унда Архангель, Белорет, Йылайыр, Ҡырмыҫҡалы, Өфө, Әбйәлил райондарынан һәм Белорет, Межгорье ҡалаларынан 60 яҡын кеше ҡатнашты.
Һәр ҡатнашыусының сығышынан һуң, жюри баһалама бирҙе. I этапты үтеүселәр, Борай районының Борай ауылына конкурстың йомғаҡлау этабына юлланасаҡ. Әйтеп үтергә кәрәк, йылдан йыл ҡатнашыусыларҙың башҡарыу кимәле арта бара. Автор: Республика халыҡ ижады үҙәгенең мәғлүмәт бүлеге
«Башҡортостандың мәҙәни донъяһы» порталы
Кастинг графигы