Башҡортостанда 9 апрелдән немец теле һәм мәҙәниәте аҙналығы башланды. «Рәсәй төбәктәрендә немец мәҙәниәте көндәре» үткәреү йолаһы 2004 йылдан, Рәсәйҙә Германия йылы иғлан ителгәндән алып ойошторола. Уның маҡсаты – республика белем биреү учреждениеларында сит ил телен өйрәнеүҙе пропагандалау, Германияның мәҙәниәт, фән һәм мәғариф ойошмалары менән хеҙмәттәшлекте үҫтереү. Сара барышында немец профессорҙарының лекцияларын, юғары һәм урта уҡыу йорттары студенттарының, мәктәп уҡыусыларының фәнни конференцияларын ойоштороу ҡаралған.