Интеллектуаль милек буйынса федераль хеҙмәт, йәғни Роспатент “Шүлгән-таш” дәүләт тәбиғәт ҡурсаулығына үҙ атамаһын файҙаланыуға рөхсәт бирҙе. 

Тауар билдәһен теркәүгә ғариза 2012 йылда уҡ бирелгән. Документтарҙы әҙерләүгә күп ваҡыт киткән. “Шүлгән-таш” тип яҙылған тамғаны ҡурсаулыҡ 2022 йылға тиклем файҙалана ала. Патент алыу ошондай атама менән төрлө тауарҙар сығарырға һәм хеҙмәттәр күрһәтергә мөмкинлек бирә. Барлыҡ донъяға тәү тормош кешеләре һүрәттәре төшөрөлгән Шүлгән-Таш мәмерйәһе ҡурсаулыҡ биләмәһендә урынлашҡан. Былтыр бында экскурсия менән 35 меңгә яҡын кеше килгән.