Балалар-үҫмерҙәр өсөн әҙәбиәт һәм сәнғәт өлкәһендәге төп бүләк яҙыусы Әсхәл Әхмәт-Хужаға тапшырыла. Конкурс комиссияһы быйылғы конкурста уны еңеүсе тип иғлан итте. Төбәк башлығы Рөстәм Хәмитов ошо туралағы указға ҡул ҡуйҙы. Документта әйтелеүенсә, Әсхәл Әхмәт Хужа Һәҙиә Дәүләтшина премияһын менән “Ямғыр тамсыһы” китабы өсөн бүләкләнә.

Балалар һәм үҫмерҙәр өсөн авторҙарға Һәҙиә Дәүләтшина премияһы 2005 йылда булдырылды. Быға тиклем уның менән Гөлфиә Юнысова, Факил Мырҙаҡаев, Кәтибә Кинйәбулатова, Сафуан Әлибаев бүләкләнде.