Ул 10 апрелдән 25 ноябргә тиклем китапханасылар араһында ярыш формаһында ойошторолғайны.

Халыҡта китапҡа һөйөү тәрбиәләү, китапхана хеҙмәтенең абруйын күтәреү, заманса йыһазландырыу - сараның төп маҡсаттарының береһе. Быйыл етенсе тапҡыр үткәрелгән конкурста меңдән ашыу кеше ҡатнашҡан. Ул муниципаль, төбәк һәм республика этаптарынан тора. Жюри ағзалары белгестәрҙе «Мәңгелек китап», «Мин, һин, ул - уҡыусы ил!» һәм «Бөтәһе лә уҡыйҙар» номинациялары буйынса баһаланы, ти ойоштороусылар.