16–17 март Республиканың иң яҡшы хор коллективтары Өфө сәнғәт академияһының Ф.Шаляпин исемендәге Концерт залында 7 тапҡыр үткән Ш.Бикмөхәмәтов исемендәге «Хоровая радуга» республика конкурс-фестивалендә йыйыла. Конкурс-фестиваль хор традицияларын һаҡлау һәм үҫтереү, башҡарыу оҫталығын күтәреү кеүек маҡсаттар ҡуя. Уның шарттарына ярашлы, а capella әҫәрен башҡарыу мотлаҡ.

Был фестивалде Өфөлә 2001 йылда профессор, БР-ҙың атҡаҙанған сәнғәт эшмәкәре Ш.М.Бикмөхәмәтов ойоштора, 2008 йылдан уның исемен йөрөтә. Конкурста дөйөм белем биреү мәктәптәренән тыш, сәнғәт мәктәптәре лә ҡатнаша.

Сығанаҡ: БР Мәҙәниәт министрлығы