Кисә, Ҡазандың Ғ.Камал исемендәге театрында , Илгиз Зәйниев пьесаһы буйынса «Әрем еҫе» спектакленең премьераһы уҙҙы. Режиссеры яҡташыбыҙ Айрат Әбүшахманов. Спектакль барышында алма төшөрлөк тә урын булманы, ә инде тамаша тамамланғас, артистарҙы оҙаҡ ҡына сәхнәнән ебәрмәнеләр.
Пьсаны драматург 2012 йылда яҙған. Шул уҡ йылда ул «Яңы татар пьесаһы» конкурсында 1-се урын яулаған. «Әрем еҫе» - тормошто, үҙ-үҙеңде аңларға тырышыу, ғүмерлек бәхетте табыуға ынтылыш хаҡындағы пьеса. Төп герой Сәфәр 35 йыл элек һөйгән ҡыҙын ауырлы булыуына ҡарамаҫтан ташлап, бер кемгә лә әйтмәйенсә ауылдан сығып китә. Тик был аҙым уға бәхет килтерҙеме икән?
Спектакль бөгөн дә театрҙа ҡуйыласаҡ.