Мостай Кәрим исемендәге Милли йәштәр театрында Башҡортостандың халыҡ артисы, Өфө дәүләт сәнғәт академияһы уҡытыусыһы Азат Нәҙерғоловтың ижад кисәһе үтте.

Билдәле режиссерҙы юбилейы һәм ижади эшмәкәрлегенең 30 йыллығы айҡанлы коллегалары, уҡыусылары, яҡташтары ҡотланы. 

Бар күңелен сәхнә оҫталары тәрбиәләүгә һалған Азат Нәҙерғолов талапсанлығы, ныҡышмалылығы менән һоҡланыу уята. Егерменән ашыу спектакль сәхнәләштергән, бик күп күләмле концерттар авторы булып танылған шәхес театрҙың бөтә жанрҙарында уңышҡа өлгәшһә лә, һаман да ижади эҙләнеүҙәр юлында.