30 октябрь Конгресс-холл сәхнәһендә Башҡортостандың халыҡ артисы, Салауат Юлаев исемендәге Дәүләт премияһы лауреаты, данлыҡлы бейеүсе Риф Ғәбитовтың «Бейеүҙәрҙә – минең яҙмышым» тип аталған концерт-бенефисы уҙасаҡ. Ҙур концертта Ф.Ғәскәров исемендәге академик бейеү ансамбле, «Мираҫ» йыр һәм бейеү фольклор ансамбле, Стәрлетамаҡ концерт-театр берләшмәһенең Бейеү театры, Сибай филармонияһының «Сибай» бейеү ансамбле, Нефтекама ҡалаһы филармонияһының «Түңгәүер» халыҡ бейеүҙәре ансамбле, Учалы ҡалаһы филармонияһының «Уралтау» халыҡ бейеүҙәре ансамбле, Татарстан Республикаһының Дәүләт йыр һәм бейеү ансамбле ҡатнашасаҡ. Шулай уҡ Риф Ғәбитовтың ижадташ дуҫтары Роберт Юлдашев, Рәсүл Ҡарабулатов, Марсель Ҡотоев һәм башҡалар сығыш яһаясаҡ. Тамашасы Риф Ғәбитов һалған иң билдәле бейеүҙәрҙе ҡарап кинәнәсәк.