Рим Хәсәнов яңы йырҙарын тәҡдим итә!
6 март, Халыҡ-ара ҡатын-ҡыҙҙар көнөнә арнап, М.Аҡмулла исемендәге педагогия университетында яратҡан композиторыбыҙ, бик күп популяр йырҙар авторы Рим Хәсәнов менән ижади осрашыу үтә. Уҡыу йортоноң 2-се корпусында үтәсәк концертта Рим Хәсәнов үҙенең билдәле йырҙары менән бер рәттән яңы йырҙарын да яңғыратасаҡ.
Белешмә: Рим Хәсәнов – БАССР-ҙың атҡаҙанған сәнғәт эшмәкәре, СССР Композиторҙар союзы ағзаһы. Композиторҙың йырҙарын Фидан Ғафаров, Илфаҡ Смаков, Нурия Ирсаева, Рөстәм Асаев, Рәсәй эстрадаһы йондоҙо Алһыу кеүек билдәле йырсылар башҡара.
Тамаша 16.30 сәғәттә башлана. Инеү бушлай.
Рәхим итегеҙ!
