Монако кенәзлегендә Рәсәй көндәре сиктәрендә, 25 октябргә тиклем Халыҡ-ара “Монако йәрминкәһе”үтте. Билдәле сәнғәт эшмәкәре Роберт Юлдашев һәм “Ҡурайсы”этно-төркөмө “Монако йәрминкәһе” Халыҡ-ара мәҙәни программаһын асыу тантанаһында ҡатнашып ҡайтты. Популяр коллектив йәрминкәгә килеүсе ҡунаҡтар алдында башҡорт халыҡ йырҙарын башҡарҙы, инструменталь һәм бейеү көйҙәрен яңғыратты һәм теләүселәргә ҡурайҙа өрөргә лә өйрәтте. Артистарҙың килеүен Монако кенәзлеге резиденты, яҡташыбыҙ Гөлшат Үҙәнбаева ойошторған. Уның әйтеүенсә, Башҡортостан артистарын монаколылар ихлас ҡабул иткән.