Билдәле яҙыусы, Салауат Юлаев исемендәге премия лауреаты Баязит Бикбайҙың тыуыуына 105 йыл тулыу айҡанлы, 15 апрель 16.00 сәғәттә «Родина» кинотеатрында «Башҡортостан» киностудияһында төшөрөлгән «Тере шишмә» («Живой родник») фильмын күрһәтәсәктәр.

Фильмдың сценарий авторы – Зөһрә Бураҡаева, режиссеры – Вилүрә Иҫәндәүләтова.

Тамашасы документаль фильм менән бер рәттән яҙыусының ҡыҙы Элиза Баязитовна менән да аралаша аласаҡ. Мәктәп уҡыусылары шағирҙың шиғырҙарын ятлаясаҡ.

Сараны Өфө ҡала хакимиәте, БР Мәҙәниәт министрлығы, «Башҡортостан» киностудияһы ойоштора.