Драматург Нил Саймон әҫәре буйынса ҡуйылған «Босиком по парку» спектакле ҡатнашыусылары сәхнәгә йөҙөнсө тапҡыр сыҡты. Лирик комедия театрҙың камера сәхнәһендә бер нисә йыл бара, әммә ул һәр ваҡыт тулы зал йыя. Артистар Екатерина Колмагорова һәм Вадим Прохоров йәш ғаиләнең ғәжәйеп мөхәббәт тарихы тураһында уйнайҙар. Уларҙың күршеһе мистер Веласко ролен РФ атҡаҙанған, БР халыҡ артисы Владимир Абросимов һәм БР атҡаҙанған артисы Валерий Гриньков һынландыралар. Григорий Николаев һәм Владимир Епифановтың ролдәре эпизодик булһа ла, иҫтә ҡалырлыҡ. Миссис Бэнкс ролен уйнаған РФ атҡаҙанған артисткаһы Татьяна Калачева айырым иғтибарға лайыҡ: ул был ролдә йөҙөнсө тапҡыр тамашасы алдына сыҡты Сығанаҡ: Рус академ драма театры сайтынан
«Башҡортостандың мәҙәни донъяһы» порталы