Өфөлә ике көн дауамында әҙерлек курстарына кастинг үтте. Актер булырға теләген 100 ашыу кеше белдерҙе. Улар үҙҙәренең һәләттәрен күрһәттеләр: тасури шиғыр йә әҫәрҙән өҙөк һөйләү, йыр, хайуандарҙы һынландырыу һ.б.
Иң талантлыларҙы әҙерлек курстарына һайлап алдылар һәм уларға тиҙҙән Рус драма театрының артистары актер һөнәренең нескәлектәрен, серҙәрен өйрәтә башлаясаҡтар. З.Исмәғилев исемендәге Өфө сәнғәт академияһы быйыл рус телле курс йыясаҡ, бына ошо әҙерлек курсын үтеүселәр үҙҙәрен шунда һынаясаҡ инде.
Кастингта ҡатнашыусы Артур Шәйәхмәтов әйтеүенсә, бындай курстың булыуы бик һәйбәт, унда ниндәйҙер кимәлдә тәжрибә тупларға була.
Кастингты үтеүселәргә дәрестәр март айында башлана һәм ул ял көндәрендә иртәнсәктән кискәсә ике ай буйына дауам итәсәк. Сығанаҡ: Башҡортостан юлдаш телевидениеһы сайтынан