Рәми рухын ҡыуандырып...
17 майҙа баш ҡалабыҙҙың Салауат Юлаев майҙанында Башҡортостандың халыҡ шағиры Рәми Ғариповтың шиғырҙарын һөйләү буйынса “Минең Рәми” марафоны була!
Халыҡ шағирына – халыҡ иғтибары һәм ихтирамы. Йылдар аша әйтеп еткерелгән рәхмәт.
Тарихта беренсе мәртәбә майҙан тултырып арҙаҡлы шәхесебеҙҙең шиғырҙарын яңғыратасаҡбыҙ. Беренсе мәртәбә яңы форматта туған тел байрамы, рух тантанаһы - Башҡортостандың халыҡ шағиры Рәми Ғариповтың шиғырҙарын һөйләү буйынса “Минең Рәми” марафоны.
17 май, Салауат майҙаны. 18.00 сәғәттә. Рәми шиғырҙарын һөйләү буйынса марафон. Рәхим итегеҙ!
Марафондың бер үҙенсәлеге – 20.45 сәғәттә поэтик флеш-моб буласаҡ. Халыҡ шағирының ниндәй шиғырын ятҡа һөйләрбеҙ, тип аптырау ҙа урынһыҙ - әлбиттә, “Туған тел”де!
Ойоштороусылар - ”Ватандаш” һәм ”Шоңҡар” журналдары, “Йәшлек” гәзите, ”Юлдаш” радиоканалы, Өфөнөң Киров районы хакимиәте, “Каруанһарай” студияһы.
Сығанаҡ: "Шоңҡар" журналы
