Ҡала хакимиәте проект әҙерләү буйынса конкурс иғлан итте. Уның шарттарына ярашлы, һәйкәл янындағы биләмә лә төҙөкләндерелергә тейеш. Монумент янын йәшелләндереү, яңы юлдар һалыу, яҡтыртыу ҡарала. Был маҡсатта Өфө бюджетынан 500 мең һум аҡса бүлеү күҙаллана. Проект йыл аҙағына тиклем әҙерләнергә тейеш.

Әхмәт Лотфуллин СССР-ҙың халыҡ рәссамы. Уның «Өс ҡатын», «Салауат», «Ауылда байрам», «Фронтҡа оҙатыу», «Хушлашыу», «Көтөү» картиналары киң билдәлелек яулаған. Әхмәт Лотфуллин 2007 йылда вафат булды, рәссам йәшәгән йортта – Аксаков урамында мемориаль таҡтаташ ҡуйылған.