Бөгөн, 14 октябрҙә Рәсәй рәссамдары берлеге Түңәрәк өҫтәл ултырышы уҙғара. Ултырышта авторлыҡ хоҡуғы, автор эштәре һөҙөмтәләрен баҫтырыу, автор хоҡуҡтарын боҙмай күсермә яһау һорауҙары ҡараласаҡ. Семинарҙы Рәсәй рәссамдары берлеге ағзалары-Аластер Маквизард, Куклина Юлия, БР Ә.З. Вәлиди исемендәге Милли китапхананың хоҡуҡи идара буйынса етәксеһе Николай Сенников ойоштора. Шулай уҡ, РФ һәм БР Рәссамдар берлегенең билдәле ағзаларының, М. Аҡмулла исемендәге БДПУ, З. Исмәғилев исемендәге ӨДСА уҡытыусыларының, һынлы һәм художестволы сәнғәткә битараф булмағандарҙың килеүе көтөлә. Сара Ә.З. Вәлиди исемендәге Милли китапханала, көндөҙгө 16.00 башлана. Һорауҙар менән 8-937-315-9077 мөрәжәғәт итергә мөмкин.