Рәсәй хәрби-тарихи йәмғиәтенең Башҡортостан бүлексәһенә ярҙам күрһәтеләсәк.

Рәсәй хәрби-тарихи йәмғиәтенең Башҡортостан бүлексәһе күптән ярҙамға мохтаж - ошо арала республикала уның эшмәкәрлеген әүҙемләштереү темаһы тикшерелә. Уға ярашлы, хәрби тарих менән ҡыҙыҡhыныусыларға патриотик тәрбиә, хәрби-тарихи туризм менән шөғөлләнгән, балаларҙы һәм үҫмерҙәрҙе ошондай хәрәкәттәргә йәлеп иткән ойошмаларға ярҙам булдырыласаҡ. Башҡортостан хөкүмәте менән Федераль мәҙәниәт министрлығы араһында ниәттәр тураһында протоколға ҡул ҡуйылды ла инде. Был документ төбәктә илһөйәрлек тәрбиәләүгә федераль ярҙамды күҙ уңында тота. Рәсәй мәҙәниәт министрлығы менән Башҡортостан араһындағы хеҙмәттәшлеккә килгәндә - әле Бөрө ҡалаһында мәҙәниәт үҙәге төҙөлә. Ул заман талаптарына яуап бирерлек буласаҡ, ти белгестәр. Федераль мәҙәниәт министрлығында ла Мәскәү менән сикләнмәй, төбәктәрҙе лә иғтибарҙан ситтә ҡалдырмаҫҡа тырышыуҙарын белдерәләр.