Бөгөн билдәле виртуоз ҡурайсы, төрлө конкурстар лауреаты, бөтә ғүмерен сәнғәткә арнаған, һуңғы һулышына тиклем ҡулынан ҡурайын төшөрмәгән Сәйфулла Дилмөхәмәтовтың тыуыуына 80 йыл. Ул Ғата Сөләймәнов, Йомабай Иҫәнбаев, Кәрим Диәров кеүек данлыҡлы ҡурайсылар менән бер рәттән башҡорт ҡурайын бар донъяға танытыусы шәхестәрҙең береһе. Сәйфулла Ишғәле улы Йылайыр районының Иҫке Яҡуп ауылында 1932 йылдың 1 февралендә донъяға килә.

Сәйфулла Дилмөхәмәтовтың таланты 1982 йылда «Башҡортостандың атҡаҙанған мәҙәниәт хеҙмәткәре» тигән юғары исем менән баһалана. Бынан тыш, ул СССР-ҙың һәм Рәсәйҙең бик күп Маҡтау ҡағыҙҙары һәм миҙалдары менән бүләкләнә. Сәйфулла Дилмөхәмәтов ҡурай эшләү оҫтаһы булараҡ та билдәле. Оҙаҡ йылдар дауамында Хәйбулла районында йәш ҡурайсылар тәрбиәләүгә көс һала. 

«Башҡортостандың мәҙәни донъяһы» порталы