Заһир Исмәғилев исемендәге Өфө дәүләт сәнғәт академияһы янындағы бәләкәй баҡсала асыҡ майҙанда open-air форматында үтәсәк концерттар өсөн майҙансыҡ булдырыла. Әйткәндәй, унда концерттар ғына түгел, ә мини-спектаклдәр, күргәҙмәләр, флешмобтар үткәреләсәк. Был проектты тормошҡа ашырыр өсөн Республика Президенты тарафынан 100 мең күләмендә аҡса бүленгән. Ҡала хакимиәте сентябрь-октябрь айҙарына сәхнә әҙер булырға тейеш, тип вәғәҙәләй. Майҙансыҡ йәйен генә түгел, ә яҙ һәм көҙ айҙарында ла эшләйәсәк.