Бөгөн 3 ноябрь. Рәсәйҙә һәм Башҡортостанда Халыҡтар берҙәмлеге көнөнә арналған «Сәнғәт төнө» мәҙәни акцияһы тәғәйенләнгән көн. Мостай Кәрим исемендәге Милли йәштәр театры театрҙы, һынлы сәнғәтте һәм музыканы берләштергән программа әҙерләй. 18.00 сәғәттә театр фойеһында Башҡортостандың атҡаҙанған рәссамы Вәсил Ханнановтың «Башҡорт йыры» күргәҙмәһен асыу тантанаһы була. Музыкаль ҡунаҡханала популяр классик музыка уйнаясаҡ. 19.00 сәғәттә театрҙың ҙур залында театраль тамаша ойошторола, халыҡтың яратҡан спектаклдәренән, шулай уҡ А.Шапироның «Дат тарихы» премьераһынан өҙөктәр, рус һәм башҡорт труппаһы актерҙары башҡарыуында йырҙар тәҡдим ителә. Башҡорт труппаһы Сыңғыҙ Айытматовтың «Диңгеҙ ярын иңләй ала эт» хикмәтен сәхнәләштерә. М. Ғафури исемендәге БДАД театрындағы тамашалар ҙа акция сиктәрендә барасаҡ. Теләүселәр иң тәүҙә театрҙың 4-се ҡатында урынлашҡан музейға инеп *Инештәр* һәм театрҙың 2-се ҡатындағы фойела урынлашҡан, театр тарихына һәм Бөйөк Ватан һуғышында Еңеүгә 70 йыл тулыуға арналған бағышланған күргәҙмәләрҙе ҡарай ала. Килеүселәр өсөн музыкаль ҡунаҡханала, шулай уҡ, классик көйҙәр яңғыраясаҡ. Артабан театр сәхнәһендә Ж.Мольерҙың *Һаран*әҫәре буйынса И. Сакаев ҡуйған спектаклде ҡарарға мөмкин.