Салауат сәнғәт мәктәбе 40 йыллыҡ юбилейын билдәләне. Ошо уңайҙан мәктәп бинаһында тантана үтте. Байрамда һәләтле балаларға Маҡтау ҡағыҙҙары, иҫтәлекле бүләктәр тапшырылды. Наталия Безпалько мәктәпкә нигеҙ һалынған тәүге көндәрҙән алып ошонда белем бирә. Ул уҡытҡан балаларҙың күбеһе хәҙер Рәсәй кимәлендә танылған рәссам. Уҡыусыларҙы һынлы сәнғәткә өйрәтеү - иң изге һөнәр, тип иҫәпләй ул. Мәктәптә йәш быуындың ижади һәләтен үҫтереү өсөн бар шарттар тыуҙырылған. Уҡыусыларҙың конкурстарҙа бер-бер артлы еңеү яулауы ла шуны раҫлай. Мәктәптә талантлы балалар етерлек. Уларҙың береһе - төрлө йүнәлештә ижад итеүсе Юля Туҡтарова. Был картиналар Рәсәй күргәҙмәләренән әйләнеп ҡайтып, мәктәп коридорҙарында урын алған. Уларҙың һәр береһе юғары оҫталыҡ менән төшөрөлгән. Төп маҡсатыбыҙ - белем кимәлен күтәреү. Быға тулы нигеҙ бар. Сөнки мәктәп уҡыусылары юғары уҡыу йорттарын тамамлап, тыуған мәктәптәренә уҡытырға ҡайта, йәш көстәр коллективты яңы алымдар менән байыта, тип һөйөнә уҡытыусылар.
Ғәзиз Ғәлин
 «БСТ» сайтынан