7-8 ноябрҙә киске сәғәт 7-лә Салауат башҡорт дәүләт драма театры Мөҙәрис Багаев пьесаһы буйынса ҡуйылған “Мөхәббәт күле” спектакленең премьераһы менән үҙенең 80-се юбилей миҙгелен аса!

Тирә-яҡҡа үләттәр ауылы тигән даны таралған ерҙә ике ҡоҙа Кәбир һәм Хәким йәшәй. Тағы ла унда Ғабдулла ҡарттан башҡа кеше лә ҡалмаған, шикелле. Балталары һыуға төшөп, күңелдәре һүрелеп барған ваҡытта ҡарттар бик ҡиммәтле хазинаға тап була. Баҡтиһәң, Хәким ҡарттың ишек алдындағы һаҫыҡ күле тылсымлы көскә эйә икән! Был турала хатта боронғо сәйәхәтселәр үҙҙәренең көндәлектәрендә яҙып ҡалдырғандар, имеш. Әгәр ҙә шул күлдә ҡойоноп, уның һыуынан ауыҙ итһәң, йәшлектәге ғәйрәт ҡайтып, дәрттәр артып китә, ти. Беҙҙең ҡарттар ҙа мөғжизәле күлдең тылсымын татып ҡарамаҡ булалар…

Ҡуйыусы режиссер – Азат Йыһаншин, Башҡортостандың атҡаҙанған артисы

Ҡуйыусы рәссам – Альберт Нестеров

Композитор – Илшат Яхин

Хореограф – Рәмиҙә Мөхәмәтшина, Башҡортостандың атҡаҙанған артисткаһы

Спектаклдә ҡатнашалар: Рәсәйҙең атҡаҙанған, Башҡортостандың халыҡ артисы Миндулла Иҙрисов, Башҡортостандың халыҡ артисы Риза Мәһәҙиев, Башҡортостандың атҡаҙанған артисткаһы Науфилә Яҡупова, Башҡортостандың атҡаҙанған артисткаһы Наҙгөл Иҫәнбаева, Башҡортостандың атҡаҙанған артисткаһы Гөлфирә Сәфиуллина һәм дә театр артистары Фәтих Ҡолһарин, Рафаэль Ғәйнуллин, Мираҫ Йомағужин, Револь Ғималов, Альберт Ғөбәйҙуллин.

Рәхим итегеҙ!

Автор: Эльвира Исҡужина