1. Ишембайҙа нәшер ителгән «Торатау» ҡала-район газетаһы редакцияһы 2009 йылда донъя күргән «Арғымаҡ оҙаҡ сапһын» тигән лирик һәм сатирик шиғырҙар, мәҫәлдәр һәм поэмалар йыйынтығы өсөн юғары премияға Риф Мифтаховты күрһәтте. 

2. Стәрлетамаҡ дәүләт башҡорт драма театры юғары наградаға Флорид Бүләковтың әҫәре буйынса ҡуйылған «Мәскәү - Васютки» спектаклен күрһәтте. Дәғүәселәр – спектаклдең ҡуйыусы режиссеры, Стәрлетамаҡ дәүләт башҡорт драма театрының художество етәксеһе Азат Йыһаншин, спектаклдең ҡуйыусы-рассамы Альберт Нестеров һәм төп ролдәрҙе башҡарыусылар – Миңниса һәм Филарит Бакировтар. 

3. Рәсәй рәссамдар союзының Башҡортостан төбәк бүлексәһе дәүләт наградаһына 29 әҫәрҙән торған «Песнь об Урале» әҫәрҙәр циклы өсөн рәссам-график Салауат Ғиләжетдиновты күрһәтте. 

4. Рәсәй рәссамдар союзының Башҡортостан төбәк бүлексәһе «Атайсал» художестволы әҫәрҙәр циклы өсөн рәссамдар Жәлил Сөләймәнов менән Әмир Мәжитовты тәҡдим итте. 

5. «Өмөт» газетаһы редакцияһы дәүләт наградаһына 1996, 2005 һәм 2008 йылдарҙа донъя күргән «Яҙмыш ҡорбандары», «Ут эсендәге мөхәббәт» һәм «Ҡанлы бәхет» роман-хәтирәләрҙән торған трилогия-эпопея өсөн Суфиян Поварисовты күрһәтте. 

6. «Ватандаш» журналы редакцияһы 2011 йылда донъя күргән «Халҡым хазинаһы» очерктар йыйынтығы өсөн дәүләт премияһына Сәлимйән Бәҙретдиновты күрһәтте. 

7. «Ҡыҙыл таң» газетаһы редакцияһы юғары наградаға 2009 йылда донъя күргән «Беҙ - улдары Башҡортостандың» тигән шиғырҙар, йырҙар, поэмалар, юмористик һәм сатирик әҫәрҙәр йыйынтығы өсөн Муса Сиражиҙы күрһәтте. 

8. «Учалы яҙыусылар ойошмаһы» йәмәғәт берекмәһе юғары наградаға 2010 йылда донъя күргән «Одинокий дом в тумане» хикәйәләр йыйынтығы өсөн Талха Ғиниәтуллинды күрһәтте.