Салауат ҡалаһы “шиғриәт ҡалаһы” исемен яулап алырға ынтыла. Был турала һуңғы көндәрҙә үткән шиғри саралар иҫбатлай. Салауат шағиры Сергей Шилкиндың шиғырҙарын төрөк теленә тәржемә итеү һәм уның икенсе халыҡ-ара конкурсындағы уңыштары тураһында беҙ ишеткәйнек инде.
Әлеге көндә һәр аҙна һайын КДҮ «Ағиҙел» башҡорт поэзияһы кисәләре үтеп килә. Күптән түгел, Салауат ҡалаһына йәш булыуына ҡарамаҫтан, шиғыр һөйөүселәре араһында киң танылған, Өфө шағирәһе Марианна Плотникова үҙенең моно спектакле менән килеп киткәйне. Шәмбе көнө яңы ваҡиға көтөлә «Step Up» клубында тағы бер шиғриәт кисәһе, шағирҙар араһында бәйге үтәсәк.
Кисә 22-се декабрь, сәғәт киске етелә башлана һәм шиғыр һөйөүселәрҙең әйтеүе буйынса, бик ҡыҙыҡлы ваҡиғаға әүреләсәк. «Башҡортостандың мәҙәни донъяһы» порталы