Салауат дәүләт башҡорт драма театры үҙенең 80-се ижад миҙгелен асты. Тамашасыларға премьера – Мөҙәрис Багаев пьесаһы буйынса ҡуйылған "Мөхәббәт күле" спектакле тәҡдим ителде. Ә 12-19 ноябрҙә театр коллективы Татарстанға юллана. Унда Туфан Миңнуллиндың иҫтәлегенә арнап төрлө саралар уҙғарыла, хәтер кисәләре үтәсәк. Салауат дәүләт башҡорт драма театры артистары билдәле драматургтың өс пьесаһын сәхнәләштерә.