19 апрель Санкт-Петербург ҡалаһының «Совет» концерт залында Башҡорт мәҙәниәте көндәре үтте. Сараны ҡаланың мәҙәниәт комитеты һәм Башҡортостандың вәкиллеге ярҙамында Санкт-Петербург башҡорттары ҡоролтайы (конгресы) үткәрҙе. Байрам сиктәрендә Мостай Кәрим әҫәре буйынса «Башҡортостан» киностудияһы төшөргән «Оҙон-оҙаҡ бала саҡ» фильмы күрһәтелде.

Башҡортостандың Санкт-Петербург ҡалаһындағы вәкиллеге хеҙмәткәре Мәүлиҙә Ильясова әйтеүенсә, Башҡорт дәүләт филармонияһы артистары Азат Биксурин һәм Заһир Иҫәнсурин сығыштарын тамашасы бик йылы ҡабул итә. Шулай уҡ Люциә Бүкәнова етәкселегендә «Ирәндек» фольклор ансамбле лә уңышлы сығыш яһай.

Байрам барышында башҡорт балы, халыҡ кәсептәре әйберҙәре һатылды. Мәҙәниәт көндәре дәртле дискотека менән тамамланды.