Конкурста Өфөнөң юғары һәм урта махсус белем биреү йорттары студенттары ҡатнаша ала.

Сара Сергей Аксаковтың Мемориаль йорт-комплексы менән берлектә уҙғарыла. Ғилми хеҙмәттәр «Иң яҡшы ғилми-тикшеренеү эше», Аксаковтың һәм уның ғаиләһенең тормош юлы һәм ижадына бағышланған «Иң яҡшы эш» һәм «Иң яҡшы ҡулланма йүнәлештәге эш» номинациялары буйынса ҡаубл ителә. Конкурс һөҙөмтәләре буйынса 10 мең һум күләмендә 4 премия тапшырыу ҡаралған. Еңеүселәрҙе баш ҡаланың әйҙәүсе уҡыу йорттары уҡытыусыларынан торған баһалама комиссияһы билдәләй. 

Өфө ҡала советы депутаттары тәҡдиме менән һәләтле йәштәрҙе дәртләндереүгә йүнәлтелгән премия 1992 йылда барлыҡҡа килгәйне. Тәүҙәрәк ул стипендия булараҡ тапшырылһа, 2006 йылдан премия статусына эйә. Конкурсҡа эштәр Сергей Аксаковтың йорт-музейында, Рәсүлев урамы, 4-се йортта 1 сентябргә тиклем ҡабул ителә.