28–29 март Ҡыйғы районының Үрге Ҡыйғы ауылында балалар һәм йәштәр һәүәҫкәр театрҙары араһында асыҡ республика фестивале – «Серле шаршау» («Волшебная кулиса») үтә. Фестивалде БР театр эшмәкәрҙәре союзы һәм Ҡыйғы районы хакимиәте ойоштора. Фестивалдең маҡсаты:
балалар театр сәнғәте үҫешенә ярҙам итеү;
театр репертуарын байытыу һәм спектакль кимәлен күтәреү;
театрҙарға тәжрибә менән уртаҡлашыу өсөн яҡшы шарттар булдырыу;
театр етәкселегенең һәм актерҙарҙың профессиональ кимәлен күтәреү;
яңы таланттар асыу;
Фестивалдең ижади лабораторияһында конкурста ҡатнашмаған театрҙар ҙа ҡатнаша ала.
Спектакль 45 минуттан артмаҫҡа тейеш. Ғаризаны 2013 йылдың 15 мартына тиклем Ҡыйғы районының мәҙәниәт бүлегенә йәки Республика халыҡ ижады үҙәгенә ебәрергә. Автор: Республика халыҡ ижады үҙәгенең мәғлүмәт хеҙмәте.
«Башҡортостандың мәҙәни донъяһы» порталы