Шәһит Хоҙайбирҙин исемендәге журналистар премияһына документтар ҡабул ителә башланы. Республика Хөкүмәте ҡарарына ярашлы, конкурсҡа 2011 йылдың сентябренән 2012 йылдың авгусына тиклем донъя күргән материалдарҙы тәҡдим итергә мөмкин. Унда мәҙәниәт, халыҡтар дуҫлығы, тыныслыҡ, Башҡортостандың социаль-иҡтисади үҫеше тураһында темалар сағылырға тейеш. Еңеүселәр бер нисә номинация буйынса билдәләнә.
Ғаризалар Башҡортостан журналистар берлегендә 1 сентябргә тиклем ҡабул ителә. Сығанаҡ: «Ашҡаҙар»