Башҡортостандың халыҡ шағиры Рәми Ғариповтың тыуған яғында – Салауат районында уның 80 йыллыҡ юбилейын ҙур саралар менән ҡаршы алмаҡсылар. Февраль районда «Рәми айлығы» тип иғлан ителгән. Мәктәптәрҙә уҡыусылар шағирҙың әҫәрҙәрен һөйләү буйынса бәйгеләрҙә көс һынашасаҡ, викторина, брейн-ринг кеүек конкурстарҙа ҡатнашасаҡ. Арҡауыл мәктәбендә «Рәми уҡыуҙары» ойоштороласаҡ, унда уҡыусылар үҙҙәренең фәнни-тикшеренеү эштәрен яҡлаясаҡ. «Уҡыусыларға ватансылыҡ һәм рухи тәрбиә биреүҙә Рәми Ғарипов ижадының роле» республика фәнни-ғәмәли конференцияһына билдәле яҙыусылар, башҡорт теле һәм әҙәбиәте уҡытыусылары саҡырылған. 

«Башҡортостан» гәзите сайтынан