21 апрель Конгрес-холл сәхнәһендә башҡорт һәм татар КВН командалары араһында «Шаян уйын–2013» Республика юмор һәм көлкө фестиваленең Гала-концерты үтә. Сараны БР Йәштәр сәйәсәте һәм спорт министрлығы йәштәр араһында ижади бәйләнештәр булдырыу, башҡорт һәм татар телдәрен популярлаштырыу, йәштәр эшмәкәрлеген әүҙемләштереү, уларҙың ижади һәләттәрен асыу маҡсатында үткәрә.

Жюри команда сығыштарын түбәндәге критерийҙарға ҡарап баһалаясаҡ:

теманы асыу;

юморҙың сифатлы булыуы; 

оригиналлек;

башҡарыу оҫталығы;

уйлап табыу һәләте;

музыкаль һәм художестволы биҙәлеш;

антиплагиат;

регламенттан ситләшмәү.

Төп бүләк – Гран-при һәм «Иң яҡшы ир-егет роле», «Иң яҡшы ҡатын-ҡыҙ роле», «Иң яҡшы мәҙәк», «Иң үҙенсәлекле команда», «Йыл асышы» номинациялары.

Көлкө байрамы 18.00 сәғәттә башлана.

Автор: Л.Мурсалова