15 ғинуарҙа бар яҡлап та һәләтле кеше, ҡурайсы, гармунсы, йырсы, бейеүсе, шағир, драматург... Буранбай Мәхмүт улы Исҡужинға 60 йәш тулыр ине. Буранбай Исҡужин үҙ һүҙле, башҡаларҙан айырылып торған шағир, драматург һәм сатирик була. Уның үҙенсәлекле һәм сағыу сатираһы донъяның, кешенең хәленә инеү, ошо ҡатмарлы тормошто матурлау кеүек маҡсаттан ҡоролған. Уның шиғырҙары тәрән аҡыллы, тапҡыр һәм образлы фекерле. Әҙәбиәт һөйөүселәргә ул «Йәшлек», «Аҡ менән ҡара», «Донъя ҡуласа» «Зилә, Ғәли һәм мин» китаптары аша яҡшы таныш.