Танылған шағирә Дилә Булгакова үҙенең 75 йәшлек күркәм юбилейын билдәләй. Ошо уңайҙан республикала төрлө мәҙәни-әҙәби саралар ҡаралған.

Дилә Булгакова һөнәре буйынса табибә. Бәләкәй сағынан әҙәбиәткә булған һөйөү әҙәби ижадҡа алып килә. Бөгөнгө көндә танылған шағирәнең тиҫтәнән артыҡ китабы нәшер ителгән. Улар араһында шиғри йыйынтыҡтар ҙа, хикәйәләр, повестар тупланғандары ла бар. Уның бик күп шиғырҙарына танылған композиторҙар көйҙәр ижад иткән. Һуңғы ваҡытта Дилә Будгакова балалар өсөн дә әҙәби әҫәрҙәр ижад итә, шулай уҡ пьесалар ҙа яҙа.

Әҙибәнең юбилейына арналған сираттағы сара 3 ноябрь көндө Өфөнөң "Нефтсе" мәҙәниәт һарайында үтәсәк.