13 мартта, БР Ә. Вәлиди исемендәге Милли китапханала билдәле журналист һәм шағирә Фәниә Ғәбиҙуллинаның ижад кисәһе үтәсәк. Сара шағирәнең 55 йәшлек юбилейына арнала.
Кисәлә юбилярҙың яҡындары, дуҫ-иштәре, ҡәләмдәштәре, билдәле яҙыусылар һәм шағирҙар, Ғ. Әлмөхәмәтов исемендәге гимназия уҡыусылары ҡатнаша.
Фәниә Ғәбиҙуллина сығышы менән Дүртөйлө районының Әсән ауылынан. Тыуған ауылында урта мәкәтәпте һуң тамамлағандан һуң, Ҡазан дәүләт университетында уҡый. Был уҡыу йортон уңышлы тамамлағас, тыуған яғына ҡайтып «Кызыл таң» гәзите редакцияһына эшкә урынлаша. Бөгөнгө көндә лә ул ошо эшенә тоғро ҡала.
Фәниә Ғәбиҙуллина – РБ һәм РФ Яҙыусылар һәм Журналистар союзы ағзаһы, бер нисә шиғри һәм публицистик йыйынтыҡ авторы. Йыш ҡына тарихсы-тикшеренеүсе булараҡ та сығыш яһай. Ул тураһын әйтә лә белеүсе ҡыйыу журналист. Тирә-яғыбыҙҙағы хәл-ваҡиғалар, күркәм шәхестәр (Мостай Кәрим, Нәжиб Асанбаев, Фәриҙә Ҡудашева, Суфиян Поварисов һ.б.), тураһында яҙа, шулай уҡ ул тормоштағы күңелһеҙ күренештәрзе лә ситтә ҡалдырмай. Шағирәнең күп кенә әҫәрҙәренә башҡорт һәм татар композиторҙары йыр яҙған.
Кисә 16 сәғәттә башлана.