16 ноябрҙә, Башҡортостан Республикаһының Ә. Вәлиди исемендәге Милли китапханаһының (Ленин урамы 4),   Башҡорт әҙәбиәте һәм тыуған яҡты өйрәнеү бүлегендә, билдәле шағирә Йомабикә Ильясова менән осрашыу үтә. 

Шағирә, Башҡортостан Республикаһының атҡаҙанған матбуғат һәм киң мәғлүмәт хәҙмәткәре, ”Башҡортостан ҡыҙы” журналының баш мөхәррире, БР Дәүләт Йыйылышы – Ҡоролтай депутаты Йомабикә Сәләхетдин ҡыҙы күптән түгел үҙенең 55 йәшлек күркәм юбилейын билдәләне. Ул халҡының яҙмышы өсөн янып, борсолоп йәшәгән, оло хөрмәткә лайыҡ, абруйлы гүзәл заттарыбыҙҙың береһе, күп яҡлы талант эйәһе, тиҫтәгә яҡын шиғри йыйынтыҡ авторы, юғары мәҙәниәтле етәксе, бай телле журналист, әүҙем йәмәғәт эшмәкәре булараҡ танылыу яуланы. Ҡоролтай депутаты итеп һайланыуы ла уның ижади һәм сәйәси эшмәкәрлегенә оло баһа, мәртәбә өҫтәй. 

Осрашыуға рәхим итегеҙ!

Башлана 15.00 сәғәттә