19 октябрь Шишмә ауылында Башҡортостандың халыҡ шағиры, яҙыусы һәм драматург Мостай Кәримдең тыуыуына 95 йыл тулыу айҡанлы Мәжит Ғафури исемендәге Башҡорт дәүләт академия драма театры театрлаштырылған тамаша үткәрәсәк. Райондың мәҙәниәт йортонда бөйөк яҡташтары хөрмәтенә матур тамаша ҡуймаҡсы данлыҡлы театрыбыҙ.

«Башҡорт театры менән беҙ бер йылда тыуғанбыҙ – 1919-ҙа... яҙмышыбыҙ ҙа беҙҙең уртаҡ... », - тип яҙған Мостай Кәрим үҙенең иҫтәлектәрендә. Ысынлап та, шағирыбыҙ үҙен драматург булараҡ драма театрында аса. Иң яҡшы әҫәрҙәре башлап ошо театрҙа киң ҡатламға сыға. Мостай Кәримдең исеме театр тарихында алтын хәрефтәр менән яҙылған.

Тамаша 19.00 сәғәттә башлана.