Баймаҡ районының “Темәс” тарихи-мәҙәни үҙәгендә арҙаҡлы шәхесебеҙ З.Вәлидиҙең 122 йыллығына арналған шиғыр һөйләүселәрҙең район бәйгеһе үтте. Унда 23 уҡыусы ҡатнашты. Конкурста ҡайһы бер ҡатнашҡан балаларҙың сәхнәлә сығыш яһаған тәжрибәһе бар ине, ә кемгәлер сәхнәгә сығыу беренсе мәртәбә тура килде.Таһир ауылынан Ғ. Ҡотләхмәтова – беренсе, Темәстән Ю. Йосопов – икенсе, Темәстән Л.Алтынбаева өсөнсө урындарҙы яуланы. Еңеүселәрҙең барыһына ла Почет грамоталары, иҫтәлекле бүләктәр тапшырылды.

Конкурстың төп маҡсаты балаларҙы үҙенең тыуған яҡ тарихы, башҡорт шағирҙарының шиғриәт ижады менән таныштырыу. Конкурста ҡатнашҡан балаларҙың әйтеүе буйынса, икенсе үтәсәк конкурсҡа улар тағыла ҙур тырышлыҡ менән әҙерләнәсәктәр.